Lehen Hezkuntza osoan eta Haur Hezkuntzako azken mailan hizkuntza irakasteko curriculum oso bat sortu dugu, ikusizko, ahozko eta idatzizko hizkuntza konbinatzen dituena.
Ikaskuntza esanguratsua izatea eta ikasleek irakurtzeko eta idazteko gogoa izatea lortzen dugu, eta ikasleek testu gehiago eta kalitate hobeagokoak idazten dituzte maila guztietan.
PiktoIdazketako programazioa hainbat hizkuntzatan dago eskura, eta irakasleek hizkuntza bakoitzean zein jarduera egin aukera dezakete, hizkuntzen arteko transferentzia eta alderaketa sustatzeko.
Haur hezkuntzako azken maila
Bi liburu irudidun erraldoi irakurriz irudimena eta mintzamena sustatzen dituen material didaktikoa sortu dugu. Era horretan, ikasleak idazten eta irakurtzen ikasteko prestatzen ditugu.
Haur Hezkuntzatik Lehen Hezkuntzarako bidea erraza izan dadin bultzatzen dugu, haurren idatzizko kodearen ezagutza-maila edozein dela, jarduerak egin ahal ditzaten. Testuetako hizkerara ohitzeko ingurune egokia sortzen da, testuetako hizkera eguneroko elkarrizketetan erabiltzen dutena baino aberatsagoa eta konplexuagoa baita.
Plataforma digitala
Bi liburu irudidunek ikasleekin irudiak eta testuak irakurtzeko eta ipuinaren audioarekin gozatzeko aukera ematen dute.
Liburu irudidun erraldoia
Plataforma digitalean egiten den lana osatzeko eta harekin txandakatzeko, bi liburu irudidun erraldoi ditugu, DIN A2 formatuan inprimatuak; irudiak eskuz eginda daude, eta kalitate estetiko bikaina dute.
Ikaslearen koadernoa
Ipuin bakoitzak bere koaderno inprimatua du, zeinak irakurketa, idazketa, marrazketa eta sormena konbinatzen dituzten 80 jarduera baino gehiago baititu.
Lehen hezkuntzako programazioa
Gure proposamen pedagogikoak irakurketa, sormena, marrazketa, idazketa, mintzamena, antzerki-jolasa eta hizkuntzaren ezagutza konbinatzen ditu.
Honako hauek lantzen ditugu: irakurketa, idazketa, ahozkotasuna, sormena, irudien irakurketa, oroimen bisuala, arreta, entzute aktiboa, hausnarketa, talde-lana, eztabaida, hizkuntzaren ezagutzea, pentsamendu kritikoa eta argudiaketa.
Liburu digitala
Hizkuntza bere testuinguruan ikasten dugu.
Liburu digitala fikziozko istorio irudidun bat da, hizkuntza bere testuinguruan ikasteko aukera ematen duena.
Hiztegia hainbat hizkuntza-jolasen eta hiztegi irudidun baten bitartez lantzen da.
Testu-motak liburu digitaleko pertsonaien komunikazio-premien arabera lantzen dira. Orrialde bakoitzak hainbat proposamen ditu, testuen sorkuntza eta ekoizpena zein dokumentazioa eta ahozko azalpena lantzeko.
Argitalpena
Idazle bihurtzen gara.
Ikasleek eskuratutako hizkuntza-ezagutza liburu bat sortzeko erabiltzen dute. Irudia funtsezkoa da istorioa sortzeko eta egituratzeko.
Ikasle bakoitzaren sorkuntza-prozesua errespetatzeak ikasteko barne-nahia eragiten du: ikasleek ezin diote idazteari utzi, testua aberasteko dena ematen dute eta, horretarako, ikasi dituzten teknika eta hitzak erabiltzen dituzte.
Beren istorioa argitaratzeko, plataformak diseinu grafikoko tresna erabilerraz bat du. Ikasleen liburuak inprimatu egiten dira, eta baita ikastetxeko liburu digital batean argitaratu ere. Istorioak irakur ditzaten idazten dituzte eta, era horretan, egile bihurtzen dira.
Hizkuntzaren ezagutza
Ikaskuntza pertsonalizatua.
Ikaskuntza indartzeko eta indibidualizatzeko, ikasle bakoitzak hizkuntza-jolasen bere ibilbide pertsonalizatua egiten du.
Programak ikasle bakoitzaren hizkuntza-trebetasunak ebaluatzen ditu (hiztegia, ortografia, morfologia, sintaxia, puntuazioa, egitura eta irakurmena), eta haien premien arabera egokitutako lan-materiala proposatzen die (programak trebetasun eta ikasturte bakoitzeko bosna maila ditu).
Irakasleentzako tresnak
Gida didaktikoa
Plataforma digitalak tutorialak eta gidak ditu, non ikasturteko sekuentziazioa eta programazioa zehaztuta baitaude, ikasgelan eguneroko lana errazteko.
Aholkularitza pedagogikoa
PiktoIdazketako taldeak metodologia ezartzeko prozesu guztian lagun egingo dizue. Aholkularitza pertsonalizatua izango duzue eskura eta prestakuntza- eta sormen-saioak egingo dituzue, besteak beste, PiktoIdazketarekin izango duzuen esperientziak arrakasta izan dezan. Eskatu zure demoa.
Ebaluazioa
baluazio-tresna bikoitza dugu, eta trebetasun metakognitiboetan arreta handia jartzen dugu; izan ere, ikasgaia azaltzeaz gain, ikasgai horri buruz nola pentsatu eta hausnartu irakats baitiezaiekegu.
Gure ebaluazio-tresna bikoitzari esker, kontuan hartzen ditugu, batetik, ikasleen ezagutzak (eduki kontzeptualak); eta bestetik, prozedurak (prozedurazko edukiak) eta jarrerak (jarrerazko edukiak). Era horretan, gaitasunen alderdi funtzionala lantzen dugu, ikasleak eskuratu dituzten ezagutzak erabiltzeko gai izan daitezen.
Gainera, irakasleek estrategia metodologiko eta ebaluazio-irizpide berak erabil ditzake hizkuntza guztietan.
Evaluación automática
Plataformak automatikoki ebaluatzen ditu ikasleek egiten dituzten hizkuntza–jolasak (hiztegia, ortografia, morfologia, sintaxia, puntuazioa, egitura eta irakurmena).
Rúbricas de evaluación
Ebaluazio-errubriken bitartez oinarrizko jakintzen helburuak ebaluatzen dira.
Kultura bisual eta literarioa
PiktoIdazketak ikasgelan sormena pizten du eta kultura bisuala sustatzen du. Izan ere, irudiak ilustratzaile profesionalek egin dituzte, eskuz eta askotariko teknika artistikoekin, ikasleen irudimena suspertzeko asmoarekin.
Gainera, garrantzi handia ematen diogu material guztiaren kalitateari. Horretarako, idazle eta editore profesionalekin lan egiten dugu, testuak aberatsak eta konplexuak izan daitezen eta ikasleen interesa erakar dezaten.
Prozesu inklusiboa
Ikusizko, ahozko eta idatzizko hizkuntza konbinatzen dituen metodologia aktibo bat sortu dugu, curriculum oso batekin, Lehen Hezkuntzan eta Haur Hezkuntzako azken mailan hizkuntza irakasteko.
Hezkuntzako metodologia aktiboen arloan, PiktoIdazketako metodoa inklusiboa da: ikasle guztien beharretara naturalki egokitzen da eta jakin-mina pizten du, ikusizko eta ahozko pentsamoldea lotuz, maila guztietan. Elkarlana eta aniztasuna sustatzen ditu, norgehiagoka bultzatu gabe.
Hezkuntzako profesionala al zara? Irakurle - eta idazle - talde bat sortu nahi al duzu?